Om oss
Norsk Bremuseum & Ulltveit-Moe senter for klimaviten er eit interaktivt museum for heile familien som gir deg kunnskap om brear og klima på ein ny og spennande måte.
Museet er ei privat stifting oppretta av Den Norske Turistforening, International Glaciological Society, Norges vassdrags- og energidirektorat, Norsk Polarinstitutt, Høgskulen i Sogn og Fjordane, Universitetet i Bergen og Universitetet i Oslo i 1989.
Føremålet med Norsk Bremuseum er å samle, skape og spreie kunnskap om brear og klima. Stiftinga si verksemd omfattar naturvitskaplege og kulturhistoriske fagfelt. Bremuseet syner samspelet i naturen og mellom natur og menneske - gjennom avansert filmteknikk, interaktive modellar og dine eigne eksperiment med ekte bre-is. Norsk Bremuseum er for det nyfikne mennesket.
Jostedalsbreen nasjonalpark
Norsk Bremuseum er eitt av tre autoriserte besøkssenter for Jostedalsbreen nasjonalpark.
Nasjonalparken er eit landskap forma av is og vatn. Nasjonalparken blei oppretta ved kongeleg resolusjon 25. oktober 1991. Arealet er på 1315 km², halvparten er bre og 90 % av nasjonalparken ligg høgare enn 800 m o.h. Jostedalsbreen er den største breen på det europeiske fastlandet med ei flate på 458 km² og ein tjukknad på meir enn 600 meter!
I Fjærland kjem du tett på Jostedalsbreen Nasjonalpark ved mellom anna Bøyabreen og Supphellebreen. Velkomen inn!
Arkitekten - Sverre Fehn
Norsk Bremuseum er teikna av sivilarkitekten M.N.A.L. Sverre Fehn, som har vunne mange internasjonale prisar innan arkitektur.
Sverre Fehn fekk oppdraget med å teikne Bremuseet i 1989, og museet blei opna i 1991. Bygningane han har teikna var ofte museum eller galleri, men også privathus.
Leige av lokaler
Ynskjer du å leige kontor eller arrangere seminar, foredrag, møter eller andre arrangement i Fjærland? Vi har lokaler som passar fint til dette.
“Feltstasjonen”, vårt seminar- og undervisingsbygg har mellom anna møterom for 50 personar og er utstyrt med audiovisuelle hjelpemiddel og trådlaust internett. Det er også tilgang til toalett.
Miljøfyrtårn
Sommaren 2019 vart Norsk Bremuseum & Ulltveit-Moe senter for klimaviten sertifisert som eit Miljøfyrtårn. Målsettinga var å bevisstgjera oss sjølv for å bidra til ein grønare og meir berekraftig framtid.
I 2025 har vi blitt resertifisert for tre nye år og er med det klare for ein vidare berekraftig innsats.
Ofte stilte spørsmål
Her kan du finne svar på ofte stilte spørsmål og svar. Om du ikkje finn svaret du leitar etter, kontakt oss gjerne på telefon eller epost.
-
Sjekk prisar og opningstider i menyen.
-
Ja! Det er fleire interaktive utstillingar, du kan gå ein tur “under breen”, du kan vandre gjennom den interaktive klimautstillinga, du kan sjå ein flott og engasjerande panoramafilm og det er aktivitetar utandørs spesielt mynta mot born.
-
Ja, absolutt! I Fjærland kan ein gå alt frå lette til meir krevjande turar, som toppturar og breturar. Det er ein kafe i Bokbyen i Mundal og ein kafe ved Bøyabreen som heiter Brævasshytta. Fjærland Guiding tilbyr sauna på fjorden, guida turar og kajakk på fjorden. Det er også mogleg å overnatte på campingplassen Bøyum camping, Fjærland Hytter og Fjærland Fjordstove Hotell.
-
Ja, museet har ein kafé med utval av varme og kalde drikkar og smørbrød, kaker og is.
-
Ja, vi tilbyr undervising og ekskursjonar til skular, universitet, høgskular og folkehøgskular. Hjå oss kan elevar og studentar lære masse spennande og intersesant om brear, landskapet og klima.
-
Vi har oversatt utstillinga til 13 ulike språk. I tillegg til norsk, engelsk og tysk kan museet bli forstått på nederlandsk, fransk, spansk, portugisisk, italiensk, polsk, russisk, kinesisk, japansk og koreansk.
-
Det er ganske lett! Køyr i ca. 8 minutt nordover på RV 5 så kjem du til Bøyabreen. Elles ligg Supphellebreen også i kort avstand frå museet. Køyr nordover i eit par minutt og ta til høgre over ei bru ved skilt merka “Supphellebreen”.
-
Du kan sjå ein majestetisk panoramafilm om Jostedalsbreen Nasjonalpark, vandre i jorda sin klimahistorie og gå gjennom hovudutstillinga der du kan eksperimentere med ekte is frå breen og teste ut mange ulike interaktive installasjonar.
-
Ja, vi tilbyr eigne breturar med sertifiserte guidar som kan masse om brear, klima og natur. I tillegg hjelper vi deg med å finne den rette breturen og kan anbefale fleire ulike breførarfirma i området rundt Jostedalsbreen. Sjekk også ut Breturkartet som visar kor du finn faste breturar i Jostedalsbreen Nasjonalpark om sommaren.
-
Ja, det er eit besøkssenter for Jostedalsbreen Nasjonalpark. I tillegg finn du Jostedalsbreen Nasjonalparksenter i Oppstryn og Breheimsenteret i Jostedalen, som båe er verd eit besøk.
-
Det beste museet i Noreg er Norsk Bremuseum i Fjærland :D
Ja, vi tok oss ein stor fridom med å hevde dette! Men vi meinar frå botnen av våre hjerter, at eit besøk hjå oss absolutt er verd pengane og at vi garanterer at du ikkje blir skuffa. Og sjølvsagt er det MANGE flotte og gode museum og besøkssenter rundt omkring i landet vårt.
Velkomen til oss :)
-
Ja! På vår parkeringsplass finst det ein hurtigladar med 2 stk CCS-uttak og ein normalladar med to uttak der du må bruke eigen kabel som fylgjer med bilen du køyrer. Ladestasjonen er open heile året og vert drifta av Kople.